Wo waqt bara ajeeb tha

Wo waqt bara ajeeb tha aaya
Main zindagi key liye taras gaya

Teri rah mian taktaa reh gaya
Tu apni dhun main guzer gayi

Ye mohabat howi bhi to kesi howi
Main aik pal ko hi mila tum sey
Agley lamhey tu bichar gayi

Ek pal main so khuwaab jiya main
Aankh khuli to zindagi bikhar gayi

Wo nazrana bara ajeeb tha
Jab mian unmain uljha raha

Or tum nazer bacha kar guzar gayi

Dhoondh raha tha us pal tum main khud ko
ik tum be‘wafa thien jo muskura ker chalbasi …

Sochta hon key usey neend

Sochta hon key usey neend bhi aati hogi
Ya faqat meri tarah ashk bahaati hogi

Woh meri shakal mera naam bhulaaney wali
Apni tasveer sey kya aankh milaati hogi

Us zameen per bhi hain sailaab merey ashkoun key
Merey maatam ki sadaa arsh hilaati hogi

Sham hotey hi wo chaukhat pey chala kar shammaein
Apni palkon pey kayi khuwaab sajaati hogi

Us ney silwaa bhi liye hongey siyaah rang libaas
Ab Moharram ki tarah Eid manaati hogi

hoti hogi merey bosay ki talab main paagal
Jab bhi zulfon main koi phool sajaati hogi

Merey tareek zamanoun sey nikalney wali
Rooshni tujhko meri yaad dilaati hogi

Dil ki masoom ragein khud hi sulagti hongi
Juhin tasveer ka kona wo jalaati hogi

Roop dey kar mujhey is main kisi shehzadey ka
Bachon ko kahaaniyaan woh sunaati hogi ….

Aankhoun sey merey is

Aankhoun sey merey is liye laali nahi jaati
Yaadoun sey koi raat jo khali nahin jaati

Ab umer na mousam na woh raastey key wo paltain
Is dil ki mager fhaam khayaali nahin jati

Maangey tu ager jaan to hans key tujhey dey dain
Teri to koi baat taali bhi nahin jaati

Aaye koi aaker yeh terey dard sambhaaley
Humsey to yeh jaageer ab sambhaali nahin jaati

Maaloom hamain bhi hain terey bohut sey Qissey
Yeh baat teri hamsey Uchaali nahin jaati

Hamrah terey phool khilaati thi jo dil main
Ab shaam koi dard sey khaali nahin jaati

Hum jaan sey jayengey tabhi baat baneygi
Tumsey to koi raah nikaali nahin jaati …

aAnkh ney kaha key aey

aAnkh ney kaha key aey ! bewafa Ansoo,

kahan Chal diye mujhey Choor ke …!

aansoo ney kaha Key aey aankh mat ho Udaas …

Key Mujhko to jana hey, Or mit jana hey..

Per jatey Jatey Tera dard ley jaon Ga..

Mujhko to jana hai terey labon ko chu jana hey,,,

Terey labon ko Chu ke tera Dard Lay jaon ga

mat ho udaas ke Terey labon ko chu jaon ga

Tera dard Samet Lay jaon Ga

Kash key ye ansoo apnay Sath be‘basi or dard bhi Lay jatey …

jatey jatey Mere Dard Ko kam ker Jatey,

Kash aey Ansoo …..

Dil hai key teri yaad sey ghafil

Dil hai key teri yaad sey ghafil hi nahi hota

kia merey tarapney ka tujhey ehsaas hi nahi hota ?

aa dekh kia beeti hai terey deewaney per

hayat bey-kaif ka pe‘mana khatam hi nahi hota

din hai key kat jata hai fursat mai kisi tour

raat hoti hai kay talu-e-sham hi nahi hota

mumkin hai ke bholey sey kabhi yaad na kya ho ga

tu bata kay tujhay meri yaad hai key kabhi tu tanha hi nahi hota …